«Отандық құрылыс материалдары бағасының өсуі жыл басынан бері 25%-ды құрады. Бұл ретте құрылыс материалдары бағасының өсу қарқынының өзгеру үрдісі байқалады. Құрылыс материалдары бағасының негізгі өсуі сыртқы нарықтардағы баға жағдайына байланысты. Бұл өзгерістер арматура (өсім 45%), кабель (20%), профлист (70%), шыны (35%) құнына әсер етті», деп хабарлады Серік Жұманғарин Үкімет отырысында.
Оның айтуынша, бағаның өсуінің негізінде электр энергиясына тарифтердің орташа - 12%-ға, ЖЖМ - 15%-ға, энергетикалық көмірге - 10%-ға, теміржол тасымалдарына - 18%-ға өсуі сияқты объективті факторлар бар, олар отандық өндірістің құрылыс материалдары бағасының өсуіне тікелей әсер етті.
Агенттік төрағасы бағаны көтерудің негізділігін қарау және сөз байласу белгілерін белгілеу мақсатында құрылыс материалдарының 25 түрі (кірпіш, бетон, арматура, цемент және басқалары) бойынша құрылыс материалдары нарықтарындағы бәсекелестіктің жай-күйіне талдау жүргізілетінін атап өтті. Бұзушылық белгілерін жою және бағаны төмендету қажеттілігі туралы 75 хабарлама жіберілді.
«Бүгінгі таңда 42 компания хабарлама орындады, оның ішінде 35 компания бағаның төмендеуімен: арматураға – 25%, цементке – 10%, бетонға – 10%, полиэтиленді құбырларға – 6%, кабельге – 5-тен 14%-ға, кірпішке-3% дейін. 10 тергеу шаралары жүргізілуде. Монополияға қарсы бақылау шараларымен республика бойынша баға өсуінің ай сайынғы тренді маусым айындағы 4,2%-дан шілде айында 1,7%-ға дейін төмендетілді», деп хабарлады С.Жұманғарин.
