Әлем • 07 Қыркүйек, 2021

Түркіменстан Президенті Өзбекстанға ресми сапармен барады

65 рет көрсетілді

Түрікменстан президенті Гурбангулы Бердімұхамедов жақын арада Өзбекстанға ресми сапармен барады. Іс-сапар барысында ынтымақтастық туралы құжаттар пакетіне қол қойылады. Бұл туралы Бердімұхамедов жұмыс бейнеконференциясы барысында айтты, деп хабарлайды Egemen.kz Түркіменстан мемлекеттік ақпарат агенттігіне сілтеме жасап. 

Г.Бердімұхамедов Премьер-Министрдің орынбасары Есенмырат Оразгелдиевке алдағы аптада қол қоюға дайындалып жатқан сауда-экономикалық, ғылыми-техникалық және мәдени ынтымақтастық жөніндегі құжаттарды Түрікмен-Өзбекстан бірлескен комиссиясының алдағы отырысында өзбекстандық әріптесімен талқылауды тапсырды. 

Г.Бердімұхамедов соңғы рет Өзбекстанға 2019 жылдың қарашасында келген. Сондай-ақ 2021 жылдың тамызында екі ел басшылары Каспий теңізі жағалауындағы «Аваза» ұлттық туристік аймағында Орталық Азия елдері президенттерінің үшінші консультативтік кездесуі аясында жүздескен.

Соңғы жаңалықтар

Ұқсас жаңалықтар