Коронавирус • 09 Қыркүйек, 2021

Алматыда ковид стационарлары жабылып жатыр

261 рет
көрсетілді
1 мин
оқу үшін

Қоғамдық денсаулық сақтау басқармасының басшысы Нариман Табынбаев онлайн брифинг барысында мәлім еткендей, Алматыда коронавирус жұқтырған науқастарға арналған стационарлар жабылып жатыр, деп хабарлайды Egemen.kz.

Алматыда ковид стационарлары жабылып жатыр

«Қалада коронавирус инфекциясын жұқтырған науқастар санының азаюына байланысты, инфекциялық стационарлар, көпбейінді ауруханалар ақырындап қалыпты жұмысына оралады. Сонымен «Тері-венерологиялық диспансері», «Қалалық ревматологиялық орталық», «HAK Medical» клиникалық стационары, «Б. Жарбосынов атындағы ғылыми урология орталығы», «Astana International» қонақ үйі күнделікті жұмысына кірісті», дейді спикер.

Оның айтуынша, «Халық арена» спорт кешеніндегі стационарларда да науқастардың қабылдануы тоқтатылды.

«Бұл нысан жаңа жылға дейін резервте болады. Егер, вирус жұқтырғандар саны күрт өсіп кететін болса, қайта ашатын боламыз. Сонымен қатар осы аптада кардиологиялық орталық пен жедел жәрдем ауруханасында ашылған провизорлық орталық жабылады», деді Нариман Табынбаев.