ANTIKOR • 09 Қыркүйек, 2021

Бюджет қаражатын жымқырған адвокат сотталды

38 рет көрсетілді

Ақмола облысы адвокаттар алқасының адвокаты мемлекет кепілдік берген заң көмегін көрсету кезінде жұмсалған уақыт туралы көрінеу жалған мәліметтерді енгізіп, тергеушінің атынан 10 млн. теңгеге жуық сомаға 15 жалған қаулы дайындаған. Бұл туралы ҚР Әділет министрлігінің баспасөз қызметі хабарлайды, деп жазады Egemen.kz.

ҚР Әділет министрлігі қылмыстық құқық бұзушылықтар бойынша адвокат көрсететін мемлекет кепілдік берген заң көмегін бюджет қаражаты есебінен төлеу туралы қаулыларға талдау жүргізді.

Жоғарыда аталған іс-әрекеттердің салдарынан Ақмола облысының адвокаты 9,6 млн.теңгеден астам ақша қаражатын заңсыз алғаны анықталды.

Сот үкімімен адвокат ҚР ҚК 190-бабының 3-бөлігі 1) тармағы, 385-бабының 1-бөлігінде көзделген қылмыстарды жасағаны үшін кінәлі деп танылды.

Сот 3,5 жылға бас бостандығын шектеу жазасын тағайындады.

Сондай-ақ, ҚР ҚК 50-бабының 3-бөлігі негізінде адвокат бес жыл мерзімге адвокаттық қызметпен және заң қызметтерін көрсету жөніндегі қызметпен айналысу құқығынан айырылды.

Үкім заңды күшіне енді және Әділет министрлігі адвокатқа адвокаттық қызметпен айналысуға берілген лицензияның қолданысын тоқтатты.

Сотқа дейінгі тергеу барысында адвокатпен жымқырылған ақша қаражаты бюджетке қайтарылды.

Бұдан басқа, 2021 жылғы сәуірден бастап еліміздің бүкіл аумағында мемлекет кепілдік берген заң көмегіне бөлінетін бюджет қаражатын жұмсаудың ашықтығы мен тиімділігін қамтамасыз ететін «Е-заң көмегі» ақпараттық жүйесі жұмыс істейді.

Соңғы жаңалықтар

Алматыда 36 градус ыстық болады

Ауа райы • Бүгін, 16:40

Бүгін - Ұлттық домбыра күні

Қазақстан • Бүгін, 08:50

Ұқсас жаңалықтар