Театр • 10 Қыркүйек, 2021

«Корсар» тоғызыншы маусымды ашады

47 рет көрсетілді

16 және 17 қыркүйек күндері «Астана Операның» Үлкен залында елорда тұрғындары мен қонақтарының назарына балет труппасының көркемдік жетекшісі, Ресейдің халық әртісі Алтынай Асылмұратованың қойылымында тоғызыншы театр маусымының алғашқы спектаклі – Адольф Аданның «Корсар» балеті ұсынылмақ. Өнер көрсетудің бірінші күні пират Бирбантоның партиясында сахна төріне дарынды жас әртіс Сұтанбек Ғұмар шығады.

– Бұл маусымға жарқын пре­мьералар, гастрольдік өнер көрсету­лер жоспарланған, сонымен қатар ре­пер­туарымыздағы көрермен көзайы­мы­на айнал­ған сүбелі спектальдер мін­дет­ті түр­де орындалады. Біз алғаш рет дема­лыстан кейін балет труппасы­ның толық құрамымен жұртшылық­қа есі­гі­мізді ашамыз, бұл үшін шы­тыр­ман оқиғалы тақырыпқа құрыл­ған, қабылдауға жеңіл «Корсар» бале­тін таңдап алдық. Барлық әртістер кө­рер­мендермен қауышатын күнді ас­қан ыждаһаттылықпен асыға күтуде. Осы маусым ауқымды да мазмұнды болады деген үміттеміз, – деп пікірі­мен бөлісті Алтынай Асылмұратова.

17 қыркүйек күні Бирбантоны өнер­сүйер қауымға Олжас Маханбетәлиев ұсынады. Театрдың жетекші солис­тері: Қазақстанның еңбек сіңірген қай­­рат­керлері Әнел Рүстемова мен Гау­хар Усина (Медора), Олжас Тар­ла­нов, Арман Оразов (Конрад) және Қа­зақ­станның еңбек сіңірген қайрат­кері Еркін Рахматоллаев (Құл Али) өз­де­рінің жарқын партияларын ортаға салады.

Байронның аттас поэмасының же­лісімен жасалған классикалық балет репертуарының жауһары оның ро­ман­тикалық жайма-шуақтығын, еркіндік сүйгіш рухын, күшті құштарлығын сақтайды. Теңіз қарақ­шылары – корсар­лардың өмірінен алынған оқи­ға­лар желісіне арналған туынды әртіс­терге барлық партияларда балет тех­никасымен де, драмалық дарыны­мен де жарқырай өнер көрсетуге мүм­кіндік береді. 1856 жылы қаңтар­да Парижде өткен премьераға көрер­мендер билеттерді 1,5 айдан астам уақыт бұрын сатып алуға тура келді. Қойылымның жетістігі өте зор болды, ал сахналық әсерлері театрлық қойы­лымдар тарихындағы ең үздік деп танылды. Әлемдік премьерадан бері «Корсар» балеті өзінің танымал­дылығын жоғалтқан жоқ.

 

«Егемен-ақпарат»

 

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар