Үндістанның Керала штатындағы 11 адамда өлімге әкелетін Nipah вирусының белгілері анықталды, деп хабарлады РИА Новости аймақтың денсаулық сақтау министрлігіне сілтеме жасап.
Бұл адамдардың барлығы Nipah вирусынан қайтыс болған 12 жастағы баламен байланыста болды. Бала қайтыс болғаннан кейін штат дәрігерлері онымен байланысқан 251 адамға карантин жариялады.
Кераладан келгендер, Карнатака Денсаулық сақтау министрлігінің ұсыныстарында айтылғандай, қызба, психикалық жағдайдың өзгеруі, қатты әлсіздік, бас ауруы, тыныс алудың бұзылуы, жөтел, құсу, бұлшықет ауруы, құрысулар және диарея сияқты белгілердің болуын бақылау керек.
Карнатака Денсаулық сақтау министрі Кешава Судхакардың айтуынша, штатта бұл қауіпті аурудың бірде-бір жағдайы тіркелген жоқ.
Nipah вирусы жарқанаттар мен тышқандармен таралады. Дүниежүзілік денсаулық сақтау ұйымы бұл вирусты әлемдегі ең қауіпті деп атады. Оған қарсы дәрі-дәрмектер мен вакциналар жоқ, ал аурудың өлім деңгейі - 75%-ды құрайды.
Сондай-ақ, ДДСҰ Nipah вирусына байланысты пандемияның басталу мүмкіндігі туралы ескертті.
