5 наурыз күні Қазақстан ұлттық құрамасы Литва командасымен жолдастық кездесу өткізеді. Бұл туралы egemen.kz тілшісі хабарлады.
Қазақстан футбол федерациясының хабарлауынша, ақпан айының соңында ұлттық құрама команда Түркияда алғашқы оқу жаттығу жиынын өткізеді. Сол кезде ұлттық құрама Литва командасымен кездеседі.
Қазір Қазақстан құрамасы ФИФА рейтингінде 128-орында, ал Литва 103-орында, УЕФА тізімінде 44-орында тұр. Бұл оқу жаттығу жиынына ұлттық құрамамыз қандай құраммен баратыны белгісіз. Өйткені, өткен жылдың соңында Мирослав Беранек орнынан кеткен соң, бас жаттықтырушының қызметі әлі күнге дейін бос тұр. Ал Балтық жағалауы елінің командасын Игорь Панкратев жаттықтырады. Бұл командада Гедрюнас Карчемарскас («Газиантепспор» Түркия), Гедрюс Арлаускис («Рубин» Ресей), Мариус Станкявичюс («Лацио» Италия), Дейвидас Шемберас («Алания» Ресей), Эдгарас Чеснаускис («Ростов» Ресей) деген тәжірибелі ойыншылар бар. Біздің құрама жаттықтырушысының есімі жақын арада белгілі болады.
Дастан Кенжалин.
Дереккөз. http://www.kff.kz
