Оқиға • 10 Қыркүйек, 2021

Ashyq сервисін көшірген алаяқ сайт анықталды

46 рет көрсетілді

Жүйелі мониторинг барысында BTS Digital компаниясы Ashyq қолданбасының интерфейсін қайталай отыра, айлакерлік жолмен пайдаланушылардың банк есепшоттарының логині мен паролін жинайтын фишингтік https://ashyq.info сайтын анықтады, деп жазады Egemen.kz.  

Пайдаланушы аталған сайтқа тап болғанда, оның телефон нөмірі мен ЖСН-і сұралып, одан соң айыппұлдарының бар екені хабарланады. Айыппұлдарды  Kaspi немесе HomeBank арқылы төлеу ұсынылады.

Одан әрі ол банктердің ресми сайттарының орнына айлакерлер пайдаланушыларды фишингтік ресурстарға көшіреді. Егер пайдаланушы Kaspi арқылы төлеуді таңдаса, онда ол телефон нөмірі мен Kaspi.kz аккаунтының паролін толтыруы қажет. Ал егер HomeBank арқылы төлеуді жөн көрсе, онда не HomeBank-тегі банк есепшотының сәйкестендіргішін, не болмаса myHalyk аккаунтының логинін немесе пайдаланушының сенімді нөмірін ұсынуы тиіс болады.

Алаяқтық әрекеттің келесі қадамы - аккаунт паролін сұратып, пайдаланушының банк аккаунтына өту. Осындай жолмен алаяқтар азаматтардың дербес деректерін және банк есепшоттарының, есептік жазбалары мен аккаунттарының авторизациялық деректерін қолға түсіріп, олардың ақшалай қаражаттарына заңсыз иелік етуі мүмкін. 

Соңғы жаңалықтар

2186 адам коронавирустан жазылып шықты

Коронавирус • Бүгін, 09:30

Елорда «жасыл» аймаққа өтті

Коронавирус • Бүгін, 09:13

1/16 финалға шыға алмады

Теннис • Бүгін, 08:45

«Реал» – Суперкубок иегері

Футбол • Бүгін, 08:40

Андеркардта күш сынасады

Спорт • Бүгін, 08:37

«Алтын тай» Аягөздің еншісінде

Аймақтар • Бүгін, 08:32

Ұқсас жаңалықтар