Қоғам • 13 Қыркүйек, 2021

Есірткіге пара-пар дәрілердің тізімі жарияланды

440 рет
көрсетілді
1 мин
оқу үшін

Бұл туралы есірткі қылмысына қарсы күрес және «Дәрмек» жедел алдын алу шарасының нәтижелері туралы өткен брифингте ҚР ІІМ Есірткі қылмысына қарсы іс-қимыл департаментінің басқарма бастығы Бақытжан Әмірханов айтты, деп жазады Egemen.kz.

Есірткіге пара-пар дәрілердің тізімі жарияланды

«Дәріханалық» нашақорлық туралы естен шығаруға болмайды. Себебі дәріханаларда құрамында есірткісі бар, құрамында есірткі заттары жоқ, бірақ мас болуды тудыруы мүмкін бірқатар препарат бар. Ең қауіптілердің бірі – трамадол препараты, ол синтетикалық опиоидты анальгетик немесе героиннің синтетикалық опиаты болып саналады», деді ол.

Басқарма бастығының айтуынша, «Тропикамид» және «Цикломед» дәрілері Үкімет қаулысымен  күшті заттар тізіміне енгізілген.

«Бұл - қауіпті, себебі оның кету синдромы өте қиын. Трамадолдан басқа мектеп оқушылары эйфория жағдайында қолдануға болатын дәрілер бар. Бұл «Тропикамид» және «Цикломед» көз тамшылары. Бұрын бұл препараттар тыйым салынған есірткі заттарының тізіміне жатқызылмаған және полицияның юрисдикциясына жатпаған. Маусым айында Үкімет қаулысымен олар күшті заттар тізіміне енгізілді», деді ол.