Аймақтар • 14 Қыркүйек, 2021

Шымкентте экономиканың барлық секторында оң өсім байқалады

51 рет көрсетілді

 

ҚР Премъер-министрі А.Маминнің төрағалығымен өткен Үкімет отырысында еліміздің Ұлттық экономика министрі Әсет Ерғалиев экономикалық көрсеткіштердің орындалуы жөнінде хабарлама жасады, деп жазады Egemen.kz Шымкент қаласы әкімдігінің баспасөз қызметіне сілтеме жасап.

«Барлық көрсеткіш бойынша оң өсім 5 өңірде – Шымкент қаласында, сондай-ақ Алматы, Жамбыл, Қостанай, Маңғыстау облыстарында байқалады. Ал 6 көрсеткіш бойынша 8 өңірде өсім бар. 3 өңірде 5 көрсеткіш бойынша өсім тіркелді. Батыс Қазақстан облысында тек 3 көрсеткіш бойынша өсу байқалды»,  деді Әсет Ерғалиев. 

Шымкент қаласында негізгі капиталға салынған инвестиция көлемі 2021 жылдың 8 айында 201,1 млрд теңгені құрап, 2020 жылдың тиісті кезеңімен салыстырғанда 135,9 пайызға артқан. Негізгі капиталға бағытталған инвестицияның құрылымында жекеменшік инвестицияның үлесі 72 пайыз болса, мемлекеттік инвестицияның үлесі – 28 пайызды құрайды. 

э

Жекеменшік инвестиция үлесінің артуы инвестициялық штаб жұмысының тиімділігін көрсетеді. Апта сайын өтіп жатқан штаб отырыстарында инвестиция салуға қызығушылық танытқан кәсіпкерлердің өзекті мәселелерін шешу үрдісі қалыптасты. Онлайн режимде өтіп жатқан жұмыс кездесулерінде бизнес өкілдері тап болатын бюрократиялық кедергілерді жою жөнінде шұғыл шешімдер қабылданып, инвестициялық жобаларды іске асыруға қажетті инфрақұрылым жүйелерін тарту, жерге орналастыру мәселелері оңтайлы шешімін тауып жатыр. 

Мұндай қолдаулардың нәтижесінде қаңтар-тамыз айлары аралығындағы кезеңде жылжымайтын мүлік операциялары 76,3 пайызға, көлік саласындағы жобалар 61,9 пайызға, өнеркәсіп жобалары 56,1 пайызға, коммерциялық тұрғын үйлер құрылысы 51,7 пайызға орындалды. 

 а

Тұрғын үй құрылысы саласында биылғы жылы барлық қаржыландыру көздері есебінен 14 541 пәтерлі 275 көпқабатты тұрғын үйдің құрылысы жүргізілуде. 

Жалпы биыл 1 миллион шаршы метрден астам тұрғын үй пайдалануға беріледі деп жоспарланған. Жыл соңына дейін тұрғын үй кезегінде тұрған 1916 отбасына коммуналдық пәтерлер берілсе, жеңілдетілген кредиттік тәртіппен 2096 пәтер пайдалануға беріледі. Халықтың аз қамтылған санаттары үшін 500 тұрғын үй сертификаттары табысталмақ. 

Қаланың базалық секторларында оң өсім динамикасын сақтап, тұрғындардың әл-ауқат жағдайын арттыру бағытындағы бұл жұмыстар алдағы уақытта да жүйелі жалғасын табады.

Соңғы жаңалықтар

Достық бесігі

Аймақтар • Бүгін, 08:43

Ел кубогы үшін таласады

Футбол • Бүгін, 08:40

Ширек финалда ұтылды

Теннис • Бүгін, 08:39

Даярлықтарын пысықтады

Хоккей • Бүгін, 08:37

Әзірге бесінші орындамыз

Спорт • Бүгін, 08:30

Он жылға сотталды

Қоғам • Бүгін, 08:25

41 жобаға – 11,2 млрд теңге

Аймақтар • Бүгін, 08:20

732,5 млрд теңге тартылады

Аймақтар • Бүгін, 08:15

Әскерилер шеберлік сынасады

Қазақстан • Бүгін, 08:10

«Айқайдың» астары

Өнер • Кеше

Байрон ұйығы

Әдебиет • Кеше

Ұқсас жаңалықтар