Президент • 15 Қыркүйек, 2021

Жеке шаруашылығы барлар да назарда

176 рет көрсетілді

Әркім Президенттің Жолдауынан өзіне, өзінің кәсібі мен ісіне қатысты дүниелерді естігісі келеді ғой. Мен де Қасым-Жомарт Тоқаевтың сөзінде ауыл тұрғындары туралы не айтылар екен деп құлағымды түріп отырдым.

Президенттің ауыл тұрғын­дарын қолдайтын вертикалды кооперациялар құрылатынын айтқаны қуантты. Осы күнге дейін алдымдағы жекеменшік малымның есебінен ғана күн көріп отырған жанмын. Бізді жеке қосалқы шаруашылығы бар жандар дейді.

Мемлекет басшысы біздің ұзақ мерзімге берілетін арзан не­сиеге қол жеткізе алмайтыны­мыз туралы өте дұрыс айтты. Өйт­кені, банктерге кепілге қоя­тын дүниелеріміз мардымсыз. Оны кепілге алып, бізге банк несие бермейді. Сондықтан Үкімет тарапынан кооперация құрылып, бізге көмек қолын созып отырса, несие алуға жәрдем берсе, осының үстіне салықтық жеңілдіктер көбейтілсе – біз де өнім шығаруды ұлғайтар едік.

Мен ескі тракторыммен аулам­дағы оншақты қара мен 50-60 қой-ешкіге жем-азық тауып бере аламын. Ет пен сүт­ті арзандау болса да сатып, кү­ні­мізді көріп отырмыз. Осы­лай күн көруге болады, бі­рақ бұдан да жақсырақ өмір сү­руге ұмтылғың келеді. Қалада тұратын балаларыма үй алу үшін кө­мекті молырақ жа­сауды ар­мандаймын. Бірақ ша­руа­­ш­ы­л­ы­ғымды ұлғайтуға мүм­кін­ді­гім жоқ. Өйткені несие де ала алмаймын, жер үлесін де кө­бей­те алмаймын. Өзімізге беріл­ген егіс­тік мақсатындағы жер үле­­сін өңдей алмағандықтан біз ірі компанияларға жалға бе­ріп қой­ғанбыз. Олар күздігүні біз­ге азды-көп пай береді. Бі­рақ осын­дай компаниялар жайы­лым­ға пайдаланылатын ауыл­ ша­руа­шылығы жерлерін де егіс­тік­ке жыртып тастап, мал басын көбейту, пішендеме дайын­дау мүмкіндіктерін азайтып отыр. Осы мәселеге жергілікті билік ара­ла­сып, жердің мақсатты пай­да­лануын неге қамтамасыз етпей­тініне таңырқап жүреміз. Айтсақ ешкім құлағына да ілмейді.

Президент Қ.Тоқаевтың Жолдауда біздің әлеуетімізді пай­далану керектігі туралы айт­қаны да ұнады. Шын мәнінде үлкен фермерлер емес, біз сияқты қосалқы шаруашылығы бар адамдар ғана негізінен қала халқын са­палы сүт, ет өнімдерімен қам­тамасыз етіп отыр. Мемлекет бас­шысының біздің әлеуетімізге сеніп, үміт артқанына қуанып қал­дық. Енді осы талапты жер­гілікті биліктегілер іске асырып, азды-көп жағдай жасаса біз де өнімдерімізді арттыра тү­сер едік. Бұл сайып келген­де жұмыс істегісі келетін ауыл тұрғын­дары­ның тұрмыс жағдайын жақ­сартуына мүмкіндік берер еді.

 

Еділбай ҚАСЕНОВ,

ауыл тұрғыны

 

Солтүстік Қазақстан облысы

 

Соңғы жаңалықтар

Қарағандыда зауыт өртенді

Оқиға • Бүгін, 09:50

7 өңір «сары» аймақта

Коронавирус • Бүгін, 09:06

Көбелектер көрмесі

Аймақтар • Бүгін, 08:54

Көкшедегі өнер сайысы

Аймақтар • Бүгін, 08:51

"Хат қоржын"

Қоғам • Бүгін, 08:47

Смайликпен сөйлесейікші

Қоғам • Бүгін, 08:42

Қоңыр әуен

Өнер • Бүгін, 08:40

Талантымен тәнті етті...

Өнер • Бүгін, 08:37

Балқаштан бастау алды

Аймақтар • Бүгін, 08:35

Көтермеақы көлемі өсті

Аймақтар • Бүгін, 08:32

Жаңа автокөлік сатылымы азайды

Экономика • Бүгін, 08:19

Ел дамуының іргелі үрдістері

Президент • Бүгін, 08:11

Жаһандық науқанға маңызды үлес

Экология • Бүгін, 08:04

Дағдарыс пен дәрменсіздік

Экономика • Кеше

Сиқырлы саз

Өнер • Кеше

Ұқсас жаңалықтар