Қоғам • 15 Қыркүйек, 2021

Елдегі әлеуметтік асхана

14 рет көрсетілді

Төрткүл дүниені тәжтажал жайлағалы тұрмыстан тарылған елдің жағдайына бейжай қарамайтын кәсіпкерлер түрлі әлеуметтік жобаларды қолға алып, шамасы жеткенше шарапатты іспен айналысуға бет бұра бастады. Қолынан іс келетін мұндай азаматтарға мемлекет те көмегін аяп отырған жоқ. Кәсіпкерлікті дамыту институттары арқылы қомақты қаржы гранттарын бөліп жатыр.

Мәселен, Қостанай облысында биыл «Бастау-Бизнес» жобасына қатысушылардың біразы бизнес пен қайырымды істі ұштастыруды көздеп отыр. Солардың бірі – Сарыкөл ауылының 25 жастағы тұрғыны Нұржан Бақыткереев. Жас кәсіпкер қайырымдылық шараларын ұйымдастырумен 19 жасынан бастап айналыса бастаған. Бұған дейін Нұржан елге жанашыр ауылдастарының басын қосып, қаржы жинап, ауыр дертке шалдыққан сәбилердің еміне дәрі-дәрмегін, тұрмысы төмен отбасылардың азық-түлігі мен киімін алып беру сияқты шарапатты мол қайырымды іспен айналысып келген. Нұржан Бақыткереев таяуда көмекке мұқтаж жандарды барынша көбірек қамту мақсатында Са­ры­көл ауылында әлеуметтік ас­хана ашты. Мұнда аудан орталығында тұратын тұрмысы төмен адамдар белгіленген кесте бойынша екі мезгіл тегін тамақтанады.

Қайырымды кәсіпкер игі бастамасын жүзеге асыру үшін «Бастау Бизнес» жобасына қатысып, білімін жетілдіріп, өзі жасаған бизнес жобаны қорғап шыққан. Әлеуметтік бағыттағы бастаманың сәтті стартап жоба­ға айналуына Қостанай облысы кәсіпкерлер палатасының білікті бизнес-тренері Гүлсін Абдуллина көмектесіпті. Нәтижесінде, жоба мемлекет тарапынан қолдау тауып, жас кәсіпкер өзіне қажет грант қар­жы­сына ие болған.

– Грантпен бөлінген 583 мың 400 теңгеге ас үйге арналған жабдық сатып алдым. Жұмысшы табу мәселесі де оңай шешілді, өзбек асханасының қыр-сырын жақсы меңгерген шебер аспаз жолықты. Енді үй-жайды ретке келтіру ғана қалды. Жөндеу жұмыстарына демеуші қаражат беремін деп уәде берді. Бізде игі іске жанашырлық танытып, көмек беруге дайын азаматтар көп, – деді Нұржан.

Жас кәсіпкердің ендігі мақ­саты – асхана бизнесін дамыта отырып, қайырымдылық шараларын ұйымдастыруды жалғастыру. Өзінің айтуынша, жаңа ашылған асхана ақылы және тегін түрде екі ба­ғытта жұмыс істейтін болады. Мұқтаж жандар үшін тегін тамақтану кестесі бекітіліп, түскен табыстың бір бөлігі қайы­рымдылыққа жұмсалып оты­рады.

– Қазірдің өзінде біз көпші­лік­тің күшімен 3-4 отбасын ай сайын азық-түлікпен қам­та­масыз етудеміз. Асха­надан түскен та­быс­­тан басқа да отбасыларға үлес бөліп, мүмкіндігінше көмек беріп оты­ра­мыз. Бізге ауыр дертке ұшыраған балалардың ата-аналары жиі келеді. Олар көбіне қымбат ота жасатуға қажет қа­ра­жат сұрайды. Мұндай жағ­дай­да көпшіліктен жылу сұрап, қолымыздан келгенше көмек жасаймыз, – дейді жас кәсіпкер.

Нұржан Бақыткереев қолға алған қайырымдылық шараларына жұбайы мен Сарыкөл мешітінің жамағаты тұрақты қолдау көрсетіп келеді.

 

Қостанай облысы

 

Соңғы жаңалықтар

7 өңір «сары» аймақта

Коронавирус • Кеше

Көбелектер көрмесі

Аймақтар • Кеше

Көкшедегі өнер сайысы

Аймақтар • Кеше

"Хат қоржын"

Қоғам • Кеше

Қоңыр әуен

Өнер • Кеше

Балқаштан бастау алды

Аймақтар • Кеше

Көтермеақы көлемі өсті

Аймақтар • Кеше

Жыршылық өнер – жан азығы

Өнер • 21 Қыркүйек, 2021

Жаңарған жолдар – Тәуелсіздік тартуы

Қазақстан • 21 Қыркүйек, 2021

Дағдарыс пен дәрменсіздік

Экономика • 21 Қыркүйек, 2021

Ұлтты ұлықтайтын суреткер

Театр • 21 Қыркүйек, 2021

Қазақ шығармасы АҚШ-та бағаланды

Әдебиет • 21 Қыркүйек, 2021

Тәшеновтің қалта сағаты

Тарих • 21 Қыркүйек, 2021

Сиқырлы саз

Өнер • 21 Қыркүйек, 2021

Дүниежүзілік көрме – Дубайда

Оқиға • 21 Қыркүйек, 2021

Алға бастайтын бағыт-бағдар айқын

Ел және Елбасы • 21 Қыркүйек, 2021

Тұрақты азық-түлік жүйесін қаржыландыру

Экономика • 21 Қыркүйек, 2021

Норвегияның ұлттық міндеті

Әлем • 21 Қыркүйек, 2021

Ақмола облысында заңсыз цех анықталды

Аймақтар • 21 Қыркүйек, 2021

Ұқсас жаңалықтар