«Менің экология, геология және табиғи ресурстар министрлігіндегі жұмысым аяқталды. Отанымыздың нағыз кәсіби мамандарымен және патриоттарымен жұмыс істеу мен үшін үлкен мәртебе болды. Баршаңызға табыс пен алға қойған мақсаттарыңызға жетуді тілеймін!», деп жазды ол Twitter-дегі парақшасында.
Мырзағалиев министрлік қызмет жолында қол жеткізген жетістіктерін атап өтті.
«Орман және жануарлар әлемін, ұлттық парктерді дамыта бастадық, эко-туризмді жеке инвестициялар үшін тартымды салаға айналдырдық. Орман қорын ұлғайту бағдарламасын іске қостық, ағаштарды заңсыз кесу және браконьерлік үшін жазаны қатаңдатуға қол жеткіздік. Балық шаруашылығының әлеуетін ашып, балық өндірісін 2,5 есеге арттырдық», деп түйіндеді ол.
