Хоккей • 15 Қыркүйек, 2021

«Барыс» әйгілі ЦСКА-ны тізе бүктірді

51 рет көрсетілді

Осыған дейінгі төрт ойынды өз мұз айдынында өткізіп, соның үшеуінде ұтылған Нұр-Сұлтанның «Барысы» алдағы үш кездесуді сыртта өткізетіні белгілі, деп жазады Egemen.kz.

Түздегі алғашқы бәсекеде жерлестеріміз Мәскеудің ЦСКА клубымен күш сынасты. Олар былтырғы маусымда Гагарин кубогының финалында ойнаған. Статистикалық мәліметтерге жүгінсек, бұған дейін қос команда бір-бірімен 25 рет кездескен екен. Бұл бәсекелердің 17-де әскерилер жеңіске жетсе, 8-інде қазақстандықтардың мысы басым болды. Оның үстіне ЦСКА биылғы маусымды өте жақсы бастап, бес матчтың төртеуін өз пайдасына шешті.

Бұл бәсекені де айдын иелері өте қарқынды бастады. Олар бірінші кезеңде Никита Бояркин қорғаған қақпаға екі шайба енгізді. Үзілістен кейін Кертис Волк есеп айырмашылығын қысқартты. Үшінші кезеңде нағыз қызықтың куәсі болдық. Бар жан-дәрмендерімен шабуылдаған «Барыстың» хоккейшілері бес мәрте қарсыластар қақпасынан саңлау тапты. Бұл голдардың авторлары – Якоб Берглунд, Даррен Диц (екі рет), Әлихан Әсетов және Якоб Лилья. ЦСКА-ның ойыншылар бұл кезеңде бір мәрте ғана мергендік таныта алды. Есеп – 3:6.

Мәскеудегі матч аяқталған бетте «Барыс» Балтық жағалауын бетке алды. 16-қыркүйек күні олар Латвияның Рига қаласында жергілікті «Динамо» клубына қарсы ойнайды.

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар