Биыл 30 жасқа толғалы отырған Алматы облысы Жаркент өңірі тумасының кәсіпқой рингте күш сынасып жүргеніне алты жылға жуықтады. Сол аралықта Айдос 15 кездесу өткізіп, барлығында жеңіске жетті. 10 бәсекеде айқын басымдыққа ие болды. Ол Қазақстаннан бөлек, Украина, АҚШ, Аустралия, Ресей және Беларусь елдерінде жұдырықтасты. Бұл күндері қандасымыз WBA International, WBO Global және WBC Asian нұсқаларының алтын белбеуін иеленуде. Өзінің соңғы жекпе-жегін Ербосынұлы 12 қыркүйекте Нұр-Сұлтанда Гайана өкілі Леннокс Алленге қарсы өткізіп, оны 10 раундта ұрып жықты.
Естеріңізге сала кетейік, жоғарыдағы жеңісінің арқасында Айдос Ербосынұлы әлемдік рейтингте жоғарлап қана қоймай, WBA нұсқасы бойынша уақытша чемпиондық атақты иелегенді.
