Іс-шараға Маңғыстау облысының әкімі Н.Ноғаев, Ақпарат және қоғамдық даму министрлігінің өкілдері, облыстың чешен-ингуш, армян, әзербайжан, татар, неміс, украин, румын-молдаван, белорус, корей, еврей этномәдени бірлестіктерінің басшылары қатысты.
Кездесу барысында этномәдени бірлестіктердің қызметіне және ҚХА-ның этносаралық келісім мен жалпыұлттық бірлікті нығайту жөніндегі жұмыс жоспарларына қатысты ағымдағы мәселелер талқыланды.
Атап айтқанда, этномәдени бірлестіктердің қызметіне жобалық тәсілдерді енгізу, мемлекеттік тілді ілгерілету, қайырымдылық және волонтерлік жұмыс, ҚХА жастар қозғалысын дамыту және т.б. мәселелер қаралды.
Кездесу соңында М.Әзілханов этномәдени бірлестіктердің жекелеген өкілдеріне алғыс хаттар тапсырып, оларға қоғамдағы татулықты, достық пен келісімді нығайтудағы жұмыстары үшін алғыс айтты.
«Егемен-ақпарат»
