2014-2016 жылдары БҰҰ жеті агенттігі – БҰҰ ДБ, ЮНИСЕФ, ДДҰ, БҰҰ БЖКБ, ЮНФПА, БҰҰ Әйелдер ұйымы, ЮНЕСКО және Қазақстан Республикасының Ұлттық экономика министрлігінің, сондай-ақ Маңғыстау облысы әкімдігінің әлеуметтік, медициналық және экономикалық дамуда тұрақты және тең ілгерілеуге қол жеткізу үшін аймаққа мүмкіндік ашу бірлескен бағдарламасы жүзеге асырылды. Бағдарламаның жалпы бюджеті 8,2 млн АҚШ долларын құрады.
Өзіндік геологиялық ерекшеліктерімен Маңғыстау облысы ЮНЕСКО-ның жаһандық геопарктер тізіміне қосылу үшін елеулі әлеуетке ие, ол жергілікті қауымдастықтардың дамуына, атап айтқанда, экотуризмнің дамуы арқылы ықпал етеді. ЮНЕСКО-ның Алматыдағы кеңсесі геологиялық мұраны қорғау мен пайдалану бойынша техникалық кеңес беру, әлеуетті арттыру, ақпараттық бағдарламаларды әзірлеу және ЮНЕСКО-ның жаһандық геопарктерінің номинациясына үміткерлерді дайындайды.
БҰҰ агенттіктері дамудың басымдықтарына қол жеткізу үшін аймаққа қолдау көрсетуді жалғастыруға дайын. 2021 жыл климат пен биоалуандылық конвенцияларының алдағы кездесулеріне байланысты өте маңызды, онда үкіметтер осы онжылдықта парниктік газдар шығарындыларын екі есеге жуық төмендету, биоалуандылықты сақтау және қалпына келтіру арқылы планетаны қорғау үшін қарқынды мақсаттарды қоюы тиіс.
«Егемен-ақпарат»
