Кеме Атлант мұхитының Флорида жағалауына аман-есен қонды. Ол Inspiration4 миссиясының Twitter парақшасында тікелей эфирде көрсетілді.
Еске салайық, 16 қыркүйекте SpaceX-тің Falcon 9 зымыран тасығышы Флорида штатындағы Канаверал мүйісіндегі ғарыш айлағынан экипажы тек қана бейбіт тұрғындардан құралған Crew Dragon ғарыш кемесін орбитаға ұшырды. Кемеде кәсіпкер Джаред Исаакман, зерттеуші Сиана Проктор, дәрігер Хейли Арсенокс және АҚШ Әскери-әуе күштерінің ардагері Кристофер Семброски болды.
Inspiration 4 қайырымдылық мақсатта ұшырылды. Одан түскен қаражат балалар онкологиялық ауруханасына бөлінеді.
