Президент • 20 Қыркүйек, 2020

Қоғамдық келісімді сақтау маңызды

98 рет
көрсетілді
1 мин
оқу үшін

Бұрынғы Жол­дауларында Мемлекет басшысы елді эконо­мика­лық және сая­си тұрғыдан жаңғыртуға күш салған болса, енді Қазақстан аза­мат­тарының тұрмыстық ахуалын арттыруды көздеген әлеу­мет­тік шараларды белгілеп отыр.

Қоғамдық келісімді сақтау маңызды

Мемлекеттік саясаттағы ең басты капитал – адам екеніне көзі жеткен қоғам экономикалық және саяси жетілудің шыңынан көрі­неді. Жолдауда атап көр­се­тіліп, Үкіметке тапсырма ре­тінде берілген – білім және ден­саулық сақтау саласын жетіл­діру, еңбекақыны көбейту, хал­ық табысын арттыру, мемлекет­тік қызмет көрсетулердің жақ­­саруы – міне, адам капи­та­лын инвестициялауға жа­сал­ған осы шаралардың бәрі қазақ­стан­дықтардың өмір сапасы­ның артуына кепіл болары сөзсіз. Осылардың бәрі Қазақ­­стан­да тұратын барлық этнос өкіл­де­рі­не де қатысты болаты­ны мені қуантады. Сонымен бір­ге Мемлекет басшысы Жол­дауы­ның орындалуы эконо­ми­калық тетіктермен бекітілгенін, нақты жоспарлардың белгілен­генін және орындалуын қадағалай­тын қажетті бақылау жүйесімен астасқанын атап өтуге тиіспін.

Президенттің өз Жол­дауын­да Қазақстан халқы Ассамб­лея­сының жұмысына көңіл бөл­гені, елдегі басты құндылық – бей­бітшілік пен келісім екен­іне жіті назар аударғаны да қуан­тады. Мұны біз жақсы түсі­неміз. Президенттің Жолдауда көр­сет­кен барлық мақсаты орында­лып, Қазақстан халқының табыс­пен өркендей беруіне тілектеспін.

Фарит АЮПОВ,

«Қазақстандық татар және башқұрттар конгресі» Республикалық қоғамдық бірлестігі Түркістан облысы бойынша филиалының төрағасы