14 рет жалауы желбіреген айтулы жарыста Қазақстан құрама командасының мүшелері орасан зор табысқа қол жеткізіп, жалпы командалық есепте бірінші орынды иеленді. Жерлестеріміз 12 алтын, 12 күміс және 12 қола медальді иеленді. Барлығы – 36 жүлде! Құралайды көзге атқан мергендер арасында Ислам Усейнов, Никита Шахторин, Елдар Иманқұлов, Александра Ле, Салтанат Әзімбаева және Зухра Ирназарова асқан шеберлік танытып, жергілікті жанкүйерлердің ыстық ықыласына бөленді.
Командалық есепте 17 жүлдесі бар (5 алтын+8 күміс+4 қола) Өзбекстан спортшылары екінші орын алса, үшінші сатыға Индонезия құрамасы (5+3+0) жайғасты.
