Экономика • 20 Қыркүйек, 2021

Қазақстанда электр энергиясы қымбаттады

31 рет көрсетілді

Ұлттық статистика бюросының мәліметі бойынша осы жылдың тамыз айында электр энергиясының тарифтері электр плиталары қолданылған жағдайда 100 кВт/сағ үшін 1,5 мың теңге және электр плиталары қолданылмаған жағдайда 1,4 мың теңгені құрады, деп хабарлайды Egemen.kz.

2020 жылдың тамызымен салыстырғанда баға орташа есеппен 24%-ға өскен. Бұл ретте осы жылдың басынан бері өсім 19%-дан асты.

II деңгейдегі тұтынушылар үшін тариф айтарлықтай қымбаттаған жоқ – жыл басынан бері 17,5-18,4%-ға, 100 кВт/сағ үшін 1,8 мың теңгеге дейін. Жылдық өсім шамамен 21%-ды құрады.

III деңгейде өсім жоғары болды: жыл басынан бері – 18,2-19,2%-ға, 100 кВт/сағ үшін 2,3 мың теңгеге дейін. Жылдық өсім – 21,3-22,4%.

Сонымен қатар, өңірлер арасында ең арзан тариф тамыз айында Ақтөбе мен Атырауда байқалды – I деңгейде 1 мың теңгеден аз.

Ең жоғары тарифтер Алматы мен Ақтауда тіркелді – 100 кВт/сағ үшін 1,7 мың теңгеден астам. Нұр-Сұлтанда электр қуаты 100 кВт/сағ үшін 1,1-1,2 мың теңге тұрады. Шымкентте – 100 кВт/сағ құны шамамен 1,5 мың теңге.

Қазақстанда 2021 жылдың соңына дейін электр энергиясы бағасының өсуі болжанып отыр.

Әкімдік белгілеген электр энергиясын тұтыну деңгейіне байланысты тарифтер есептеледі. Мысалы, Алматыда тұтынудың I деңгейі – бір тұрғынға 90 кВтс-қа дейін, тұтынудың II деңгейі – 90 кВтс-тан 160 кВтс-қа дейін, III деңгейі – 160 кВтс-та жоғары.

Соңғы жаңалықтар

Рухани қазынаның қайнары

Қазақстан • Кеше

Бала сүю – бақыт

Қоғам • Кеше

Аға-досты аңсау

Өнер • Кеше

Атырауша ақша «асау»

Аймақтар • Кеше

Мизамшуақ

Фотогалерея • Кеше

Астық түсімі төмен - АШМ

Қазақстан • Кеше

Оралда тұрғын үй өртенді

Аймақтар • Кеше

Ұқсас жаңалықтар