Оқиға • 22 Қыркүйек, 2021

Алматыдағы атыс: сот күдіктінің әйелі түсірген шағымды кейін қарайды

359 рет

көрсетілді

1 мин

оқу үшін

Сот алматылық атқыштың әйелі Игорь Дужновтың шағымын қарауды кейінге қалдырды, деп хабарлайды Egemen.kz.

Гауһар ҚАПАШ

Алматыдағы атыс: сот күдіктінің әйелі түсірген шағымды кейін қарайды

22 қыркүйекте Алматы қалалық соты Анаида Демирчянның шағымын қарады. Ақбұлақ мөлтекауданындағы атысқа күдіктінің әйелі отбасын үйден шығару туралы шешімге апелляциялық шағым түсіргісі келген. Оны бұрын аудандық сот қабылдамаған.

Сот басталғанда судья хатшыдан тараптардың отырысқа келген-келмегенін сұрады. Алайда даулы үйдің жаңа қожайыны, талапкер Нұрахмет Тұрғанов сот отырысына келмеді. Ол 20 қыркүйекте үй иесі қолынан қаза тапқан болатын. Сот отырысында марқұмның адвокаты қорғаушысының келмегенін мәлімдеді.

Осыған байланысты, сот талапкердің қаза болғаны туралы куәлікті әкелуді талап етті. Бұл құжат әлі дайын болмағандықтан, сот шағымды қарауды 5 қазанға қалдырды.

Бұған дейін алматылық атқыштың әйелі Анаида Демирчян отбасын үйден шығару туралы шешімге апелляциялық шағым түсірген.

Естеріңізге сала кетейік, оқиға 20 қыркүйекте кешке болған, шамамен сағат 17.20 шамасында Ақбұлақ мөлтекауданындағы үй иесінің бірі аңшы мылтығынан оқ атқан. Ол сот шешімін орындауға келген адамдарға оқ жаудырды. Куәгерлердің айтуынша, атыс бір минут ішінде болған.