Саясат • 24 Қыркүйек, 2021

Стратегиялық құжатты әзірлеуге жұртшылық кеңінен тартылады

14 рет көрсетілді

Кеше Қазақстан Республикасының Сыбайлас жемқорлыққа қарсы іс-қимыл агенттігі жанынан құрылған Қоғамдық кеңестің отырысы өтіп, алдағы бес жылға арналған сыбайлас жемқорлыққа қарсы іс-қимыл бағдарламасын айқындайтын стратегиялық құжатты әзірлеу тәсілдері ұсынылды. Бұған дейін Мемлекет басшысы Қазақстан халқына Жолдауында осыған байланысты тиісті тапсырма берген болатын.

Отырысты ашқан қоғамдық кеңес төрағасы Д.Қыдырәлі ел үшін және оның әрбір азаматы үшін осындай маңызды актіні дайындау кеңес қызметіндегі алғашқы жоба екенін айтты. Ол аталған құжатты әзірлеу аза­мат­тық қоғам мен халықты кеңінен тарту арқылы жүзеге асырылатынын жеткізді.

Өз кезегінде, Сыбайлас жем­қор­лыққа қарсы қызметтің бас­шысы М. Ахметжанов бұл құ­жат­тың халықтан шығуы керек екенін атап өтті.

«Сондықтан кез келген адам тұжырымдаманы әзірлеуге тіке­лей қатыса алады. Бізге ел ішінен шыққан ұсыныстар өте маңызды», деді ол. Ведомство басшысының айтуынша, құжат жобалық басқару аясында әзірленетін болады. Ол мұндай тәсілдің қойылған міндетті сапалы әрі мерзімінде орындауға мүмкіндік беретінін айтты.

«Процестің қолайлығы, бюрократиясыз тиімді коммуникация­ла­р­ды қамтамасыз ету үшін Агент­тік командасы ұлттық жо­ба кеңсесінде орналасады. Біз­дің қызметкерлер әрқашан осы жер­де болады. Өздеріңіз келіп, басқа сарапшыларды шақыра аласыздар. Ұсынысты онлайн жолдауға болады», деп түйіндеді М.Ахметжанов.

Отырыста сондай-ақ азаматтардан өтініш жинау үшін арнайы сайттың эскизі (www.adal.com.kz) таныстырылды.

 

«Егемен-ақпарат»

 

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар