Жоба бытыраңқы ақпараттық жүйелерді біріктіріп, тұрғын үй-коммуналдық шаруашылықтың цифрлық жүйесіне айналады. Жобаның бірінші кезеңінде ақпараттық жүйе көппәтерлі тұрғын үйлердің саны, олардың техникалық жай-күйі, үйлерді басқару органдарынан алынатын есепке алу аспаптары бойынша талдамалық деректерді қалыптастыруға, сондай-ақ табиғи монополия субъектілерімен және үйді басқарудың нарықтық IT-қосымшаларымен (е-ПИК, BI clients және т.б.) интеграция жүргізуге мүмкіндік бермек. Жүйе одан әрі дами түседі. Соның шеңберінде рейтингтер жасап, басқарушылар мен қызмет көрсететін компаниялардың тізілімі қалыптасады.
«ТКШ ҚазОрталығы» АҚ басқарма төрағасы Ербол Төлеуовтің айтуынша, «Е-Шаңырақ» ақпараттық жүйесі – республиканың барлық тұрғын үй-коммуналдық инфрақұрылымын цифрландыруға мүмкіндік беретін ауқымды жоба. Жүйеде жинақталған деректер саланың ашықтығын арттырып, бәсекелестік нарықты қалыптастырады. Жоба мемлекет-жекеменшік әріптестігі тетігі бойынша бюджеттік қаржыландырусыз іске асырылады екен.
