«Қазақтың халықтық би шығармашылығында халықтың ойлары, сезімдері мен дүниетанымдарын бейнелейтін бай дәстүрлер бар. Біздің театрда біз көп жағдайда сақталған және мұқият қорғалатын бай өткенге сүйенуге тырысамыз, бірақ сонымен бірге ұлттық пластиканы дамытудың жаңа жолдарын іздейміз. Мен не істесек те, дененің өзіне тән ұлттық кодты сақтау қасиеті бар екенін байқадым. Мұны сөзбен айтып жеткізу мүмкін емес, өйткені ол соншалықты табиғи болып, тіпті ең қарапайым қозғалысқа да бірегей реңк береді», деп бөлісті ҚР еңбек сіңірген қайраткері Айгүл Тати.
Бірегей концерттік бағдарлама қазақ халқының өзіндік ерекшелігін, бірегейлігі мен колоритін бейнелейді. Музыкалық компонент заманауи аранжировкадағы ұлттық аспаптардың дыбысымен ұсынылған.
Түркістандықтар үшін қойылым этнографиялық материалдар мен батыл балетмейстерлік шешімдер үйлесім тапқан заманауи ұлттық балеттің жарқын көрінісіне айналды.
«Түркі әлемінің рухани астанасына гастрольдер Қазақстан Республикасы Тәуелсіздігінің 30 жылдығы аясында өтуде. Көрермендер өз тарихына - ұлы дала мұрасына деген ерекше ықылас пен қамқорлықты сезіне алатынына сенімдіміз», деп атап өтті театрдың көркемдік жетекшісі Нұрлан Қанетов.
