«Үш миллиард адам дұрыс тамақтанбайды. Екі миллиард адамның артық салмағы бар немесе семіздікпен ауырады. Ал 462 миллион адам аштықта өмір сүреді», деді БҰҰ басшысы.
БҰҰ басшысы жаңа экологиялық қауіпсіз азық-түлік жүйелерін құру қажет деп санайды.
Антониу Гутерриш пен саммиттің өзге қатысушылары азық-түлік жүйелерін қайта қарап, адамдардың денсаулығын жақсарту, олардың әл-ауқатын көтеріп, ғаламшарды сауықтыру үшін үш негізгі мақсат қоюды алға тартты.
Оның айтуынша, азық-түлік жүйелері барлық адамның денсаулығы мен әл-ауқатын нығайтуға ықпалдасып, ғаламшарды қорғауы тиіс. Оған қоса, жүйелер тек қана бизнес пен үлескерлердің әл-ауқатын емес, сонымен қатар фермерлер мен азық-түлік өнеркәсібінде қызмет ететін жұмысшыларды қолдауы керек.
