Спорт • 27 Қыркүйек, 2021

Үстел теннисінен Азия чемпионаты басталады

27 рет көрсетілді

Ертең Катардың астанасы – Дохада үстел теннисінен ерлер мен әйелдер арасындағы Азия чемпионаты басталады, деп хабарлайды Egemen.kz.

5-қазанға дейін созылатын жарыста 200-ге тарта ойыншы бақ сынайды. Олар ерлер, әйелдер, жұптық және аралас жұптар арасында өтетін жарыстардың жүлделерін сарапқа салады. Байрақты бәсекеде Қазақстанның сегіз спортшысы өнер көрсетеді. Солардың арасынан Кирилл Герасименкоға айрықша сенім артамыз. Ол Олимпия ойындары мен әлем чемпионаттарына, көптеген халықаралық турнирлерге қатысып мол тәжірибе жиған үстел теннисшісі. Бұл күндері жерлесіміз әлемдік рейтингте 45-орында тұр. Биылғы ел чемпионатында төрт алтынды олжалаған 15 жасар Алан Құрманғалиевтің де мүмкіндігі жоғары бағалануда. Сондай-ақ, Дохадағы додада Айдос Кенжеғұлов, Ирисбек Артукметов, Сарвиноз Миркадирова, Анастасия Лаврова, Зәуреш Ақашева және Әнел Бақыт сынды ойыншылар өз өнерлерін ортаға салады.  

Бірден айта кетейік, Азия біріншілігінде үздіктер санатынан көріну өте қиын шаруа. Себебі, әлемдік рейтингте алғашқы алты орынды иеленіп отырғандар дәп осы сары құрлықтың өкілдері. Және де бүгінгі таңда «ТОП-50» ойыншының санатына енгендердің тең жартысы азиялықтар екенін естен шығармаған жөн. 

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар