Мүгедектігі бар адамдарды күтушілерге жаңа жәрдемақы қашан беріледі

Үкіметте өткен онлайн баспасөз мәслихатында I топтағы мүгедектігі бар адамдарға күтім көрсетушілерге жаңа жәрдемақы түрі қашан енгізілетіні туралы сұралды.

«Аталған мәселеге қатысты заңды Сенат қабылдап, Мемлекет басшысының қол қоюына жолданды. Алдағы уақытта қажетті заңға тәуелді актілерді қабылдау керек, яғни біз оларды даярлап қойдық. Менің ойымша, бір ай ішінде төлемді жасайтын боламыз. Осы бағыттағы қаражат бюджетте қарастырылған», деді Серік Шәпкенов.