Теннис • 28 Қыркүйек, 2021

Арулар кортқа шықты

34 рет көрсетілді

Нұр-Сұлтанда ерлер арасында өткен теннисшілердің аса ірі халықаралық турнирі аяқталған бетте әйелдердің WTA 250 Astana Open деп аталатын дүбірлі додасы басталды. Жүлде қоры 235 000 АҚШ долларын құраған жарыста әлемнің бірқатар мемлекетінен келген танымал ойыншылар өнер көрсетуде.

Айтулы турнир WTA Tour сериясына жататындықтан, оған тек әлемдегі «ТОП-100» ойыншылар ғана қатыса алады. Ал қалғандары іріктеу сынынан өтуге тиіс. Негізгі бә­се­кеге жолдама алу үшін бірнеше қазақстандық тен­нисші бақ сынады. Өкінішке қарай, олардың біреуінің де жолы болмады. Атап айтсақ, Татьяна Николенко Наталья Вих­­лянцеваға, Гозаль Айнит­ди­нова белоруссиялық Юлия Готовкоға, София Чур­сина польшалық Урсула Рад­вань­­скаға, Дана Байдәулет ұлы­британиялық Кэти Бул­терге және Екатерина Дми­три­ченко украиналық Валерия Стра­хо­ваға есе жіберді.

Жарыстың негізгі бө­лі­гінде Қазақстанның төрт тен­­нисшісі күш сынасу құр­­метіне ие болды. Кеше Юлия Путинцева грузиялық Ека­терина Горгодземен ойнаса, Анна Данилина франциялық Кристина Младеновичпен са­йысқа түсті. Жібек Кұ­лам­­баева бельгиялық Эли­сон Ван Эйтванкке қарсы шық­са, За­рина Диас іріктеу сынында топ жарған ойын­шылардың бірімен шеберлік байқасады.

Алдағы күндері Astana Open турнирінде жоғарыда есім­дері аталғандардан бөлек, чехиялық Кристина Плиш­кова, аустралиялық Арина Радионова, бельгиялық Гретье Миннен, хорватиялық Ана Конюх, белоруссиялық Вера Лапко сынды есімі спортсүйер қауымға жақсы таныс ойыншылар кортқа шығады.

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар