Қуатын арттыруда

Кәсіпорын 2005 жылы азот-түк зауытының мүліктік кешені негізінде құрылған болатын. Бүгінде мұнда 1 267 қызметкер жұмыс істейді. Зауыт жылына 200 мың тонна аммиак, 360 мың тонна азот қышқылы және аммиак селитрасын, сондай-ақ 916 млн текше метр газ өндіреді.

Аммиак селитрасы ауыл ша­руа­шылығы тауар өндіру­ші­лері мен тау-кен, атом, металлур­гия өнеркәсібі кәсіпорындары ара­сында үлкен сұранысқа ие. Маң­ғыстау өңіріндегі ірі экспорттау­шы саналатын компанияның өнім­дері Ресей, Украина, Өзбек­стан, Қырғызстан, Грузия және Әзер­­байжанға экспортталады. Өт­­кен жылы «ҚазАзот» ішкі на­рық­­тың 45 пайызын (252 мың тонна аммиак селитрасы) қамтыған.

Биыл кәсіпорын сұйық аммиакты тасымалдауға арналған 30 вагон-цистернаны сатып алу және пайдалану жобасын іске қосты. Әрбір вагон-цистерна 56 тонна жүкті көтереді. Жобаның құны – 711 млн теңге.

Аммиак – химия өнеркәсі­біндегі маңызды өнімдердің бірі. Бұл минералды тыңайтқыштар мен құрамында азот бар көптеген өнеркәсіптік заттар өндірісінде шикізат ретінде қолданылады.

«ҚазАзот» компаниясы бас директорының экономика және қаржы жөніндегі орынбасары Айжан Балабатырованың айтуынша, биыл компания 360 мың тонна аммиак селитрасын шығаруды көздеп отыр. Келер жылғы жоспар – өндіріс қуатын 400 мың тоннаға дейін арттыру.

Сонымен қатар бұл компания Qoldau.kz сайтында алғаш­қылардың бірі болып тыңайт­қыштарды онлайн сата бастады. Бүгінде «ҚазАзот» жаңа технологиялар қарқынды түрде енгізіліп жатқан кәсіпорындардың қатары­на жатады. Мұнда ескірген жаб­дықтарды жоспарлы ауыстыру жұмыстары жүргізілуде. Энер­гетикалық қауіпсіздікті қамта­ма­сыз ету мақсатында кәсіп­орын­да газ поршеньді электр стан­сасы салынған.

2020 жылы QazIndustry қазақ­стандық индустрия және экспорт орталығы Индустрия және инфрақұрылымдық даму ми­нистр­лігінің технологиялық про­цестерді жетілдіру және білікті шетелдік жұмыс күшін тарту шең­берінде еңбек өнімділігін арт­тыру желісі бойынша ком­па­­ния­ның шамамен 27 млн тең­ге­сін өтеп берді. Бұл сома кәсіп­орынды одан әрі дамытуға және оның тұрақты деңгейін қолдауға бағытталған.

Естеріңізге сала кетейік, QazIndustry Индустрия және инфра­құрылымдық даму ми­нистр­лігінің желісі бойынша ин­­дустрияландыру бағдар­ла­масы аясында еңбек өнімділі­гін арттыруға байланысты өңдеу саласы кәсіпорындары шы­ғын­дары­ның бір бөлігін өтей­ді. Кәсіп­орынның құзыреттілігін арттыруға, технологиялық про­цес­терді жетілдірумен және өн­дірісті ұйымдастыру тиім­ді­лігін еселеуге байланысты ин­дустриялық-инновациялық жо­баның кешенді жоспарын әзір­леуге, сараптауға жұмсалған шы­­­ғындардың 40 пайызға дейінгі бөлігі өтеледі.