Енді бір миллиондық ескі купюралар номиналы бір боливарлық банкноталарға ауыстырылады. Сөйтіп, ең үлкен банкнота құны 100 боливар болмақ. Венесуэла мұндай реформаны соңғы 13 жылда осымен үшінші рет енгізіп отыр. 2008 жылы президент Уго Чавес валюта құнын 3 нольге азайтса, 2018 жылдың жазында Николас Мадуро 5 нольге қысқартқан еді.
Айта кетейік, Венесуэла соңғы жылдары өте қиын жағдайда. Ресми мәлімет бойынша, былтыр бұл елдегі инфляция көрсеткіші 3 мың процентке жеткен. Ал алдыңғы жылы 9 мың 6 жүз пайызды құраған.
