Экономика • 04 Қазан, 2021

Металл биржасында алтын бағасы көтерілді

1512 рет
көрсетілді
1 мин
оқу үшін

Банктерде бір грамм алтын, шамамен, 24,5 мың теңгеге бағаланды, деп жазады Egemen.kz.

Металл биржасында алтын бағасы көтерілді

1 қазанда металл биржасында алтын бағамы 0,11%-ға өсіп, 1760,1 долларға жетті. Лондонда кешкі банкаралық фиксингтің қорытындысы бойынша метал құны $ 1757,05 құрады. Фиксинг бағасы бағалы металдарды жеткізуге арналған барлық келісім-шартта қолданылады.

2020 жылы алтын бағасы үнемі рекорд орнатып, бір унциясының бағасы 2000 доллардан асты. Алайда 2021 жылдың басынан бері металл құны 10% шамасында арзандады. Қазір алтынның бір унциясы орташа есеппен 1,7 мың доллар көлемінде.

Қазақстанның алтын валюта қоры 2021 жылдың тамыз айының соңында бір айда 1,8 миллиард долларға өсіп, 36,8 миллиард долларды құрады.

Тамыз айында қазақстандықтар банктен жалпы салмағы 113,7 кг болатын 2460  құйма сатып алған.

Банктер бір грамм алтынды 23,5 мың теңгеге сатып алады, 24,5 мың теңгеден сатады.