Түркияда наразылық акциялары әлі де жалғасуда

Түркияда интернет қызметін шектейтін жаңа заңға қарсы жаппай наразылық акциялары жалғасуда. Бұл туралы Novoteka.ru хабарлады. Дереккөздің ақпары бойынша, басында бейбіт жағдайда болған шеру соңы полициямен қақтығысқа ұласты. Тәртіп сақшылары ашынған топты тарату үшін көз жасаурататын газ қолдануға мәжбүр болды. Бұдан бұрын Түркия парламенті интернет ресурстарына кіруге тыйым салатын заң жобасын мақұлдаған еді. Оған сәйкес, тиісті органдар соттың ордерінсіз аккаунтты, тіпті тұтас сайтты жауып тастай алады. Алайда, ереуілшілердің пайымынша,  билік бұл заңды тәуелсіз журналистер мен өз ойларын еркін білдіретін блогерлердің қызметін шектеу үшін қабылдамақ. Ал Түркия премьер-министрі Тайип Ердоган қабылдануға ұсынылған жаңа заң интернет қызметінің қауіпсіздігін қамтамасыз ететінін алға тартты. Айдар Өрісбаев. Дереккөз: Novoteka.ru. Фото: Gha.com.ua.