Аймақтар • 07 Қазан, 2021

Кезекті келісімге қол қойды

63 рет көрсетілді

«ҚТЖ» ҰК» АҚ мен Alstom компаниясы кезекті келісімге қол қойды. Қол қою рәсімі «Электровоз құрастыру зауыты» алаңында «ҚТЖ» ҰК» АҚ басқарма төрағасының бірінші орынбасары Қанат Әлмағамбетов пен Alstom-ның Батыс және Орталық Азиядағы басқарушы директоры Гийом Триттердің қатысуымен өтті.

«Зауыттың табысты жұмысы – Қазақстан мен Францияның жемісті ынтымақтастығының жарқын мысалы. «ҚТЖ» ҰК» АҚ – зауыттың негізгі тапсырыс берушісі. 2029 жылға дейін зауытта біздің тапсырысымыз бар. Бұл кәсіпорынның тұрақты жұмыс істей алатынын көрсетеді. Қазақстанда жиналған локомотивтер, 1 520 жолтабанды кеңістіктегі ең озықтары. Бүгін қол қойылған келісім біздің қарым-қатынасымызды тереңдетеді және оны жаңа жағдайда дамытуға мүмкіндік береді», деді Қ.Әлмағамбетов.

2029 жылға дейін зауыт 369 электровоз, оның ішінде 250 жүк және 119 жолаушы тасымалдайтын электровоз шығарады. Бүгінгі таңда қазақстандық зауыт конвейерінен 95 жүк және 27 жолаушылар электровозы шықса, соның ішінде 24 жүк локомотиві Әзербайжанға экспортталды. Машина 9 мың тоннаға дейін тартуға қабілетті, -50-ден +50 с дейінгі температурада жұмыс істеуге арналған. Электровоз кабинасында бригада жұмысы үшін қолайлы жағдайлар жасалған.

Гийом Триттердің айтуынша, Қазақстанда Alstom өндірісті локализациялауды ұлғайтады.

«Егер 9 жыл бұрын, зауыт құрылған жылы жергілікті қамту 4 пайызды ғана құраса, бүгінде біз өз өндірісімізді жергіліктендіру деңгейін дамыта отырып, 30 пайызға жеткіздік. Бұл зауытқа еуропалық технологияны берудің және тарту трансформаторларын шығаруды ұйымдастыру арқылы мүмкін болды», деді ол.

Сонымен қатар осы жылдың жазында зауыт Қазақстанда толық құрастырылған алғашқы жолаушылар локомотивін шығарды. Зауытта 850 адам еңбек етсе, соның 95%-ы – жергілікті кадрлар.

Соңғы жаңалықтар

Доллар бағасы арзандады

Қаржы • Бүгін, 15:47

Ұқсас жаңалықтар