Екі бөлмелі пәтердің ұтыс ойынына осы жылдың 25 маусымы мен 28 қыркүйегі аралығында елорданың кез келген егу пунктінде коронавирусқа қарсы вакцинаның бірінші компонентін алған, кәмелетке толған азаматтар қатысты.
Ұтыс ойынының жеңімпаздарын анықтау үшін Birge платформасында арнайы рандомайзер сервисі орнатылды, ол жүлде иелерін вакцинацияланған ID генерациясымен таңдады.
Сарыарқа ауданындағы Есіл өзенінің жағалауында орналасқан «Рио-де-Жанейро» ТК-дегі жаңа пәтерді Әсемгүл Ысқақова жеңіп алды.
Сонымен қатар вакциналанғандар арасында бағалы сыйлықтар ойнатылды: үш iPhone12, тоңазытқыштар, теледидарлар, қысқа толқынды пештер, шаңсорғыштар, үтік, фен және т.б. Вакциналанғандар арасында бағалы сыйлықтардың ұтыс ойыны жалғасатын болады.
«Азаматтарды вакцинациядан өтуге ынталандыру үшін елорда әкімдігінің әлеуметтік желідегі ресми парақшаларында апта сайын бағалы жүлделердің ұтыс ойындары өткізілген болатын. Барлығы 19 iPhone12, 6 тоңазытқыш, 4 теледидар, 2 планшет, 4 микротолқынды пеш, 5 принтер, 2 DVR, кір жуғыш машиналар, Алиса ақылды колонкасы, ылғалдандырғыш және басқалар ойнатылды», делінген ведомство хабарламасында.
