Аймақтар • 12 Қазан, 2021

Каспий жағалауындағы қамыс өрті сөндірілді

68 рет көрсетілді

Атырау облысында Каспий жағалауындағы 450 гектар аумақта қамыс өрті сөндірілді, деп хабарлайды Egemen.kz.

Облыстық төтенше жағдайлар департаменті баспасөз қызметінің мәліметіне сүйенсек, 5 қазанда тұтанған қамыс өртін сөндіру әлі жалғасып жатыр.

Бүгін, 12 қазанда жергілікті уақытпен сағат 09:00-ге дейін тағы да 30 гектар аумақта қамыс өрті сөндірілген.

«Төтенше жағдайлар департаментінен жұмылдырылған жеке құрамның күшімен 20 гектардағы өрт ошағы жойылды. Ал, 10 гектар аумақтағы жалын өздігінен сөнді. Өртенген жердің жалпы ауданы 550 гектарды құрады. Оның ішінде 450 гектарды шарпыған өрт сөндірілді», деп хабарлады департаменттің баспасөз қызметі.

Қазір Каспий теңізінің жағалауындағы өртті жоюға Атырау облыстық төтенше жағдайлар департаментінің жеке құрамынан 34 адам, 5 техника, 4 мотосорғыш, 1 генератор, 40 жең, 1 үрлемелі шатыр, сондай-ақ О.Көшеков атындағы Атырау аграрлық-техникалық колледжінің 1 адамы мен 1 John Deere-6135b тракторы тартылған.

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар