Аймақтар • 12 Қазан, 2021

Атырау облысына шетелден 179 қазақ отбасы көшіп келді

3161 рет көрсетілді

Жыл басынан бері Атырау облысына шетелден 179 қазақ отбасы көшіп келді, деп хабарлайды Egemen.kz.

Облыстық жұмыспен қамтуды үйлестіру және әлеуметтік бағдарламалар басқармасы баспасөз қызметінің ақпаратына сүйенсек, мұнайлы өңірге қоныстанған 179 отбасының құрамында 254 этникалық қазақ бар.

«Оның ішінде Өзбекстан Республикасынан 232, Қытай Халық Республикасынан 19, Ресей Федерациясынан 3 адам көшіп келді. Атамекенін аңсап жеткен қандастар Атырау қаласына, Исатай,  Жылыой, Мақат аудандарына қоныстанды. Қандастардың арасында жұмыс істеуге қабілетті жастағы 180 адам бар. Мектепке дейінгі балалар саны – 35. Ал, 33-і – мектеп жасындағы балалар. Сондай-ақ, 6 адам зейнеткерлік демалысқа шыққан» деп хабарлады басқарманың баспасөз қызметі.

Қазақстан Республикасының азаматтығын жеңілдетілген тәртіппен қабылдау үшін 37 адамға бұрын берілген оралман мәртебесін алты айдан аспайтын мерзімге бір рет ұзарту туралы шешім қабылданған.

 

Соңғы жаңалықтар

Ұқсас жаңалықтар