Елорда • 13 Қазан, 2021

Нұр-Сұлтанда Париж келісімінің мақсаттары туралы халықаралық конференция басталды

48 рет көрсетілді

«Париж келісімінің мақсаттарына қол жеткізу жолдары және Қазақстанның көміртегі бейтараптылығы» халықаралық конференция басталды, деп хабарлайды Egemen.kz.

Шараға ҚР Президенті Қасым-Жомарт Тоқаев, ҚР экология, геология және табиғи ресурстар министрі Серікқали Брекешев, сондай-ақ БҰҰ-ның жоғары лауазымды тұлғалары, халықаралық сарапшылар, іскер топтар мен азаматтық қоғам өкілдері қатысып жатыр. 2020 жылғы 12 желтоқсанда өткен Климаттық амбициялар саммитінде Мемлекет басшысы Қасым-Жомарт Тоқаев Қазақстанның 2060 жылға қарай көміртегі бейтараптығына қол жеткізетінін мәлімдеген болатын.

 

«Қазақстанның барша азаматтарының атынан бүгін климаттың өзгеруіне қарсы күреске деген біздің берік ұстанымымызды, Париж келісіміне сәйкес барынша батыл, мақсатты іс-қимыл жасауға деген ниетімізді растағым келеді. Осы рухта біз 2060 жылға қарай көміртегі бейтараптығына қол жеткізуге міндеттенеміз», деп мәлімдеді сол кезде Мемлекет басшысы.

Халықаралық конференцияның мақсаты –Қазақстанның 2060 жылға қарай көміртегі бейтараптығына қол жеткізуі жөніндегі пайымын таныстыру; көміртегіден бейтарап қоғамды қайта құру арқылы ашылатын экономикалық және әлеуметтік мүмкіндіктерді, инфрақұрылым мен технологиялардағы карбониздандыру және қайта құрудың қажетті саясатын жұртшылықтың назарына жеткізу; ауқымда көшу үшін қаржы қаражатын жұмылдырудың негізгі рөлін талқылау.

Соңғы жаңалықтар

Ақтауда шаршы алаңға кімдер шығады?

Кәсіпқой бокс • Бүгін, 14:52

Атырауда эпиджағдай әлі де күрделі

Коронавирус • Бүгін, 13:50

Түркістанда үшем дүниеге келді

Аймақтар • Бүгін, 12:50

Ертең Үкімет отырысы өтеді

Үкімет • Бүгін, 11:31

Ұқсас жаңалықтар