Өскеменде ЖОО-ға түсіру үшін ақша алған алаяқ ұсталды

Арызданушының айтуынша, ұлын Б. есімді азамат қаладағы университеттердің біріне тегін оқуға түсуге көмек көрсетемін деген сылтаумен қала аулаларының бірінде тұрып, 750 мың теңге сомасындағы ақша қаражатын иемденген.

– Жедел-тергеу іс-шараларын жүргізу кезінде полиция қызметкерлері күдіктіні полиция бөліміне  жеткізді. Аталған факті бойынша ҚР ҚК 190-бабы 1-бөлігі бойынша сотқа дейінгі тергеу амалдары басталды, - деді Өскемен қаласы ПБ бастығы полиция полковнигі Андрей Мула.