Әлем • 14 Қазан, 2021

Президент екпе алудан бас тартты

945 рет

көрсетілді

1 мин

оқу үшін

Бразилия Президенті Жаир Болсонару COVID-19 вакцинасын салдырмайтынын айтты, деп хабарлайды Egemen.kz.

Гауһар ҚАПАШ

Бұл туралы Notimérica сайты мәлімдеді.

Басылымның мәліметінше, бұған дейін Бразилия Президенті вакцина салдырған «соңғы Бразилиялық» болатынын айтқан болатын.

«Мен вакцина салдырмаймын деп шештім. Жаңа зерттеулерді қарап жатырмын, менде иммундаудың ең жоғары деңгейі бар, неге вакцина салдыруым керек? Бұл лотереядан ұтыс ұту үшін 10 реал тіккенмен бірдей», деді Президент.

Болсонару сонымен қатар Бразилияның кейбір ірі қалаларында белгілі бір қоғамдық орындарға кіру үшін вакцинацияланған адамдарға берілетін санитарлық рұқсат қағаздарына үзілді-кесілді қарсы.

«Мен үшін бостандық бәрінен жоғары. Егер азамат вакцина алғысы келмесе, бұл оның құқығы», деді Болсонару.

Бразилияның 213 миллион халқының 100 миллионға жуығы COVID-19-ға вакцинасын толықтай салдырды, тағы 50 миллион адам вакцинаның алғашқы дозасын алды. Бразилия өткен аптада ауру жұқтырудан АҚШ-тан кейінгі екінші орынды алды, 600 мың адам коронавирустан қайтыс болды.

Айта кетейік, Бразилия Президенті пандемия басталғаннан бері бірнеше рет сарапшылардың үндеулерін елемей, маска киюден бас тартып, оқшаулау шараларын қолдануға қарсы болды.