Жол қозғалысы қауіпсіздігін қамтамасыз ету мақсатында Жетіген көшесінде Досмұхамедұлы көшесінен Алаш тасжолына дейінгі учаскеде жөндеу жұмыстары жүргізілуде. Осыған байланысты, 15-25 қазан аралығында мұнда автокөлік құралдары үшін қозғалыс ішінара жабылады.
«Қала жолдарында кептеліс тудырмау үшін елорда тұрғындары мен қонақтары өз қозғалыс бағыттарын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды өтінеміз», деп хабарлады қалалық көлік басқармасы.
