Қала аумағында заңсыз құмар ойындарын ұйымдастырумен айналысатын қылмыстық топ ұсталды. Топ құрамына бұрын ұқсас қылмыстар жасағаны үшін сотталған адамдар кірді.
Жедел уәкілдер топтың нақты иерархиясын және қылмыскерлердің рөлдерін бөлуді анықтады.
«Біреулері жалған ойыншылар мен дилерлерге, басқалары таңбаланған карталарды қамтамасыз ету және үй-жайларды таңдау үшін, үшіншілері әлеуетті ойыншыларды және «құрбандар» деп аталатындарды таңдау үшін жауап берді», деді Нұр-Сұлтан ПД криминалдық полиция басқармасының бастығы Дмитрий Демидов.
Қылмыстық топты ұстау операциясын полиция қызметкерлері елорданың қол жетімділігі шектеулі мекемелерінің бірінде өткізді, онда кезекті «ойын» ұйымдастырылды.
Тінту барысында полицейлер құмар ойындарын өткізуге қажетті үлкен қаражат пен басқа да атрибуттарды, соның ішінде арнайы техникалық құралдарды тәркіледі.
Қазіргі уақытта ұйымдастырушылар мен қатысушылар ұсталып, УҰИ-ға қамалды. Тергеу амалдары жүргізіліп жатыр.
