Қазақстан • 19 Қазан, 2021

Орнықты даму көрінісі

53 рет көрсетілді

Қазақстан Республикасының Президенті Қ.Тоқаев «Халық бірлігі және жүйелі реформалар – ел өркендеуінің берік негізі» деп аталатын Жолдауында еліміздің қоғамдық-саяси дамуының тұрақтылығын қастерлеп қорғауды және оның әлеуметтік-экономикалық, ғылыми, мәдени өркендеуінің басым бағыттарын нақты шешімдермен айқындап ұсынады.

Әрбір жеке ұлт үшін теңдессіз ба­қыт оның әлем мойындаған тәуелсіз ұлт­тық мемлекеттілігінің жариялануы және оның қалыпты өмір сүру құқы­ғының сақталуы. Бұл аксиома адамзат қоғамының тарихи дамуы дәлелдеген шындық.

Тәуелсіз ел болу арманы жүзеге асып, дербес даму жолындағы мемле­кет құрудың отыз жылдығын еңсер­ген еліміздің егемендігі жайында Пре­зидент: «...Тәуелсіздік – біздің ең қас­терлі құндылығымыз. Қазақстан Тұңғыш Президентіміз – Елбасының дара саясатының арқасында табысты ел ретінде бүкіл әлемге танымал болды. Ең басты жетістігіміз – біртұтас ел болып, жаңа мемлекет құрдық. Ір­ге­мізді бекітіп, еңсемізді тіктедік. Ха­лық­аралық қауымдастықтың белді мүшесіне айналдық. Тұрақты қоғам қалып­тастырып, орнықты даму жолына түстік. Мемлекеттілігімізді нығайту үшін бір ел болып еңбек етіп жатырмыз. Егемендік дегеніміз – жалаң ұран мен жалынды сөз емес. Біз үшін ең маңыздысы – әр азаматтың Тәуелсіздік игілігін сезіне алуы. Оның басты көрі­нісі – елдегі бейбіт өмір, қоғамдағы тұ­рақ­тылық пен тыныштық», деді.

Бейбіт өмір ғана адамзат ұрпағын жасампаздыққа құлшындырады, оның жаратылысындағы еңбекпен келетін руханилықты шабыттандырады, ол өз кезегінде әрбір қоғамның дамуы мен өркендеуіне кепілдік береді. Мұның бәрі қазіргі замандағы адамзатқа ор­тақ проблемалар – жер шарының түк­пір-түк­пірінде болып жатқан саяси-әске­ри қақ­тығыстармен қоса, пандемия жағ­дайында, азаматтардың өз Отаны мен мем­лекетіне деген сенімділігін арттырып, көзінің қарашығындай сақтауға, бағалауға мүдделі болатынын көрсетіп отыр.

Ғылыми танымның ақпараттық техноло­гияны дамытқан зор мүмкіндігі «жабық шымылдықтар» тасасында өмір сүретін мемлекеттер мен қоғамдар­дың келмеске кеткен дәуірін көз алды­мыз­ға әкелуде. Осынау ақпараттық жаһан­дану үр­дісінің ғажайып әлеуеті ендігі мем­­лекеттік дамудың барлық саладағы кү­ре­­тамырына айналатынын Мемлекет басшы­сы жан-жақты ашып көр­сетеді: «... Қазір­гі заманда бәсе­ке­ге қа­бі­леттіліктің бас­ты фак­торы­ның бірі – барынша цифр­лан­дыру. Қазақ­стан үшін заманауи цифр­лы тех­но­ло­гия­лар трансферті, Индуст­рия 4.0 элемент­терін енгізу ай­рық­ша маңыз­ды. Біз шетел­дегі стра­те­гия­­лық серіктес­тері­міз­­бен бел­сенді жұ­­мыс іс­теуге тиіс­піз. Соны­мен бір­­ге, отан­дық ІТ-сектор­ды да­мыт­ып, кү­­шей­­­те түсу де маңызды. Елі­мізге жас, бі­лім­ді әрі ын­талы маман­дар керек. Цифр­­­­ландыру жө­ніндегі ұлттық жоба­ның ая­­сында ке­мінде 100 мың жоғары білік­­ті ІТ-маман даярлау қажет» деп, осы са­лаға барынша көңіл бөлуді тапсырды.

Еліміздегі электронды құжат ай­налы­­мы, электронды үкімет құру өз­геріс­­терінің цифрлы Қазақстан дамуы­­мен жалғасуы өз нәтижелерін беріп, стихиялық түрлі апат жағдайында қашық­тан онлайн білім алу, денсаулық сақтау мәселелерінде біршама тәжіри­белерге қол жеткізілгені мәлім. Бұл сала­да атқарылатын жұмыстармен қатар мамандарды даярлау, оқыту және олар­дың жалақыларын, әлеуметтік мәсе­лелерін көтеру де өзекті. Мәселен, елімізде архив ісі саласынан бірнеше білім беру бағдарламаларын жүргізетін әл-Фараби атындағы Қазақ ұлттық уни­верситетіндегі ақпараттық техноло­гия, архивтану және құжаттану маман­дығын даярлау қоғам сұранысына бейім­дел­ген жаңашылдығымен де беделді. Жол­дауда көрініс тапқан архив саласы қызметкерлерінің жалақыларын көтеру қоғамның осы мамандарға деген сұранысын толықтыра түсері сөзсіз.

Жолдаудың еліміздің ғылым саласын дамытуға арналған тұстары ерекше назар аудартады. Ғылым саласындағы түйт­кілдерді дер кезінде шешудің ма­ңыз­дылығы айтылып,  «...Ең алдымен, жетекші ғалымдарымызға тұрақты және өз еңбегіне лайықты жалақы тө­леу мәселесін шешу керек. Мұны ғы­лым­ға бөлінетін базалық қаражат есебі­нен қамтамасыз еткен жөн. Мен Ұлттық қоғамдық сенім кеңесінің отырысында іргелі ғылыммен айналысатын ғылыми-зерттеу институттарын тікелей қаржыландыру тәртібін енгізуді тапсырдым. Құзырлы министрлік осындай ғылыми мекемелерді іріктеудің және қаржыландырудың айқын әрі ашық ережесін әзірлеуі керек» дей келе, Президент ғылыми грант мерзімін ұзар­ту, Апелляция институтын енгізу қа­жеттігіне тоқталды.

Жолдауда ұлттық экономиканы, ауыл шаруашылығын, бизнесті, еңбек нарығын реттеу, азаматтардың әлеумет­тік қорғалуы, денсаулық саласын жақ­сартудың өзектілігі нақтылы жоспарлармен қарастырылады.

Бұл көтерілген мәселелердің бар­лығы еліміздің тыныштығымен, тұр­мыс-тіршілігі өзара сыйластыққа негіз­дел­ген хал­қы­мыздың биік парасатымен жарасымды үндестік тапқан.

 

Гүлбану ЖҮГЕНБАЕВА,

тарих ғылымдарының докторы

Соңғы жаңалықтар

Қазақстанда алтын қоры өсті

Экономика • Бүгін, 09:35

Бір тәулікте 683 науқас тіркелді

Коронавирус • Бүгін, 09:19

Халықты ревакциналау тәсілі өзгерді

Коронавирус • Бүгін, 09:15

Балық па, әлде жылан ба?

Аймақтар • Бүгін, 09:07

Үздік шетелдік ойыншы атанды

Теннис • Бүгін, 09:04

Індет кезінде тыныштық та ем

Коронавирус • Бүгін, 09:02

Ташкенттегі жарыс табысты басталды

Ауыр атлетика • Бүгін, 09:01

Ұшақ билеттері қымбаттады

Қоғам • Бүгін, 08:51

Ұқсас жаңалықтар