Қалалық Полиция басқармасы баспасөз қызметі хабар таратқандай, 18 қазанда «102» жедел арнасына шұғыл қызмет психологы 12 жасар қыздың хабарласқаны туралы айтты.
Жасөспірім өз сөзінде ата-анасының оны және апайын ұрып-соғатыны туралы жеткізген.
«Аталған шағым бойынша полиция қызметкерлері тексеру жүргізді. Белгілі болғандай, кәмелетке толмаған бала мектепке бармау үшін осы оқиғаны ойлап тапқан. Жеткіншектің анасы оны қосымша сабақтарға жазған, ал оқушы қыз оған қатысқысы келмеген», деп хабарлады ведомство өкілдері.
Кәмелетке толмағандар ісі жөніндегі инспекторлар баламен және оның ата-анасымен профилактикалық әңгіме өткізді.
