Паралимпиадалық спорт түрі бойынша үйірме ашылды

Бочча – Ежелгі Грекияда пайда болған инклюзивті ойын. Оны дене дайындығына қарамастан балалар да, ересектер де ойнайды. Айта кетсек, бұл спорт түрі церебралды сал ауруы және тірек-қимыл аппаратының зақымдануы бар адамдар үшін дамып келе жатқан спорт түрлерінің бірі.

Халықаралық мүгедектер кү­ніне орайластырылған қа­йы­­­­­рым­дылық айлығы аясын­да Өскемен қаласындағы бала­лар­ға арнайы әлеуметтік қыз­мет көр­сету ор­та­лығында бейім­дел­ген спорт секциясы сал­та­нат­ты түрде ашылды. Үйір­ме Samruk-Kazyna Trust әлеу­мет­тік жобаларды дамыту қоры­ның көмегімен жұмысын бас­тайды. Сонымен қатар жобаға елор­далық «Тең мүмкіндіктер әлемі» қоғамдық қоры үлкен үлесін қосты. «Тең мүмкіндіктер әлемі» қоғамдық бірлестігінің директоры Нұргүл Үлжекованың айтуынша, Өскемен – балалардың бейімделген спортын дамытуды қолдауға бағытталған әлеуметтік жобаны іске асырып жатқан 15-ші қала. Бұдан былай ерекше қажеттіліктері бар балалар жүйе­лі түрде спортпен айналыса алады.

«Өскемен балаларға арналған арнайы әлеуметтік қызмет көр­сету орталығы» КММ директоры Ольга Батуеваның айтуынша, бочча ойыны балалардың оңалып кетуіне септігін тигізеді. Өйткені ол дене дамуы мен бұлшық етті шынықтыруға арналған.

Бочча үйірмесіне ерекше қа­жеттіліктері бар 10 балаға дейін тегін қатыса алады. Олар­дың ата-аналары бұл спорт түрі бала­лар­дың жан-жақты дамуына үлкен үлес қосатынына сенімді.

– Менің қызымның сал ауруы бар. Біз Өскемендегі арнаулы әлеу­меттік қызметтер ор­та­лы­ғын­дағы оңалтудан 7 жыл­дан бері өтіп келеміз. Мұн­да ба­лалардың дамуы үшін қа­жетті емнің бәрін алады. Иппо­те­рапиямен айналысады, бассейнге барады. Ал жаңа үйірмеге қатысқан балалар шы­нығып қана қоймайды, жарысқа қа­тысып жүлделі орындарға ілінуі мүм­кін, – дейді Индира Секе­нова.

Салтанатты іс-шара соңында «Тең мүмкіндіктер әлемі» қо­ры­ның директоры Нұргүл Үл­же­кова мен арнайы қызмет көр­сету орталығының директоры Ольга Батуева Ынтымақтастық туралы меморандумға қол қойып, орта­лықта жаттығу жұмыстары жөнінде келісім жасасты.

Сондай-ақ қараша айынан бастап «Саламатты болашақ» жо­басы аясында С.Аманжолов атын­дағы Шығыс Қазақстан уни­­верситетінің базасында тағы бір инклюзивті балалар спорт секция­сы ашылады.