Бұл кешке ХVIII, ХIХ және ХХ ғасырдағы үш ұлы композитор – Иоганн Себастьян Бах, Антон Брукнер, Бела Бартоктың туындылары бекер таңдалған жоқ, олардың өмірі де шығармаларымен тығыз байланысты. «Астана Опера» театрының симфониялық оркестрі тыңдармандарды неміс бароккосы, бергі аустриялық-неміс романтимзі мен мажар музыкалық классикасының жаңа қырларымен таныстырды.
− Шын мәнінде, бұл – елордамыздың мәдени өміріндегі айтулы оқиға. Астанада бұрын орындалмаған Антон Брукнердің №7 симфониясының шебер дыбысталуына қол жеткізу үшін оркестрмен көп дайындалдық. Бұл кемеңгер Брукнердің Рихард Вагнерді еске алуға арналған ең шабытты да әсерлі шығармаларының бірі деп есептеймін. Мадақ өлеңнің соңында жарқ еткен ұранмен аяқталу үшін әмбебап, кең ауқымға көтеріледі, − деп атап өтті Абзал Мұхитдин.
Сонымен бірге концерт бағдарламасына Бела Бартоктың шығармасы да енгізілді. Айта кетейік, биыл мажар композиторының туғанына 140 жыл толып отыр. ХХ ғасырдың жаңашыл музыканты Б.Барток – көптеген камералық туындының, оның ішінде ішекті аспаптар квартеттерінің, фортепианоға арналған музыканың авторы. Осы кеште Ішекті аспаптар оркестріне арналған дивертисменттің орындалуы көрнекті композиторға керемет тарту санайды. Сондай-ақ атақты композитор И.Бахтың әсем де нақышты №3 Бранденбург шығармасы да талғампаз көрерменге тосын сый болды.
