Аймақтар • 20 Қазан, 2021

Ақмолада такси жүргізушісін өлтіргендер сотталды

261 рет
көрсетілді
1 мин
оқу үшін

Ақмола облысының Қылмыстық істер жөніндегі мамандандырылған ауданаралық сотында такси жүргізушісін қастандықпен өлтіріп, көлігін айдап кеткен Бурабай ауданының екі тұрғынына қатысты сот үкімі шықты, деп хабарлайды Egemen.kz облыстық соттың баспасөз қызметіне сілтеме жасап.

Ақмолада такси жүргізушісін өлтіргендер сотталды

Сот үкімімен сотталушылардың әрқайсы 18 жылға бас бостандығынан айырылды. Сондай-ақ, оларға алкоголизмнен мәжбүрлеп емдеу түріндегі жаза тағайындалды.

Сот жәбірленушілердің сотталғандар Р. және Г-ға материалдық залалды және моральдық зиянды өтеу туралы азаматтық талап-арызын қанағаттандырып, зардап шеккен тараптың пайдасына сотталғандардан ортақ тәртіппен 10 000 000 теңге өндіріп алды.

«Ақмола облысы Бурабай ауданының тұрғындары, жұмыс істемейтін 22 жастағы Р. мен колледждің 21 жастағы студенті Г. биылғы мамыр айында мас күйінде такси жүргізушісіне шабуыл жасап, одан ақша ұрлау мақсатында оның ұялы телефонын, автокөлігін иемденіп, өз қылмысын жасыру мақсатында такси жүргізушісін өлтірген. Жүргізушіні аяқ киімнің бауымен тұншықтырып, мойны мен кеудесін сынған шыны бөтелкенің өткір жиектерімен соққан. Бұдан кейін күдіктілер көлікті бос жерге тастап, қылмыс орнынан қашып кеткен», деп түсіндірді ведомстводан.

Соңғы жаңалықтар

Су үнемдейтін қондырғы

Технология • Кеше