«Мен Сабырханды жастар құрамасында жүрген кезінен білемін. Жекпе-жектерін бақылап жүремін. Ол алдына айқын мақсат қоя білген спортшы екені рас. Мінезді жігіт. Соңғы Азия чемпионатында Сабырхан үнді боксшысына есе жіберді. Алайда ол өз салмағында емес, 56 килограмм салмақта жұдырықтасты. Соған қарамастан шеберлігін көрсетті. Сабырхан менің есіме Василий Ломаченконы түсіреді. Жекпе-жектерде стилі біршама ұқсайды. Алайда оған боксшы ретінде әлі өсу керек. Қарсыластардың соққысын дарытпауға дағдыланғаны жөн», дейді әлем чемпионы.
Сабырхан Махмұд Сербия астанасы Белград қаласында жалауы желбірейтін әлем чемпионатында 54 килограмм салмақ дәрежесінде қолғап түйістіреді. Мамандар ол осы доданың жаңалығы болуы мүмкін дегенді де алға тартып отыр.
