Алматыда бүгін, 22 қазанда қар жауып, ауа райы күрт нашарлап кетті. Салдарынан жолдарда жазатайым оқиғалар көбейіп, әлеуметтік желілерде жол апаты туралы деректер жарияланып жатыр.
Алматы полициясы жүргізушілерді ауа райы қолайсыздығына байланысты қауіпсіздік шарасын күшейтуге шақырды.
«Үндеу қауіп жоғары көлік құралын пайдаланатын қала жүргізушілеріне арналған. Оларды жол қозғалысы ережелерін қатаң сақтауға, көлік жүргізу мәдениетін және ұқыптылықты арттыруға шақырамыз. Бұл үндеу қазір өзекті және жол апатының алдын алуға көмектеседі», деді Алматы қаласының Әкімшілік полиция басқармасы бастығының орынбасары Болатбек Баятанов.
