Білім • 23 Қазан, 2021

Балабақшаларда баланы дамытудың жаңа моделі енгізіледі

513 рет
көрсетілді
2 мин
оқу үшін

2025 жылға қарай барлық мектепке дейінгі ұйымдарда бала дамуының жаңа моделі енгізілетін болады. Оқыту принципі ойын арқылы жүргізіледі, деп хабарлайды Egemen.kz.

Балабақшаларда баланы дамытудың жаңа моделі енгізіледі

Мемлекет басшысының тапсырмасы бойынша 2025 жылға қарай 3 жастан 6 жасқа дейінгі балаларды мектепке дейінгі біліммен қамту 100%-ға жетуі тиіс.

«Балалар әртүрлі жолдармен дами алады, өйткені балалар әртүрлі, біреу тезірек оқуды үйренеді, біреу баяу жүреді. Әрине, бәріне бір өлшеммен қарау дұрыс болмас еді, сондықтан білім беру бағдарламаларының мазмұнына деген көзқарас өзгеруде», дейді Білім және ғылым министрі Асхат Аймағабетов.

Мүмкіндігінше көп бала мектепке дейінгі біліммен қамтылуы үшін балалар ұйымдарының желісі жеке меншік иелеріне мемлекеттік тапсырысты орналастыру арқылы дамытылатын болады.

Білім министрінің айтуынша, болжам бойынша 2025 жылға қарай мектеп орындарына деген қажеттілік те артады. Осыған байланысты, республикада 1000 жаңа мектеп салу жоспарлануда, оған 100 мыңға жуық жаңа педагог қажет болады.

«Біз 1000 мектептің құрылысы туралы айтқанда, бұл құрылыстың өзін ғана емес, кадрларды даярлау мен біліктілікті арттыруды, мектептерді жабдықтауды және үлгілік жобалар мәселелерін де қамтитын кешенді мәселе деп айтамыз», деді Аймағамбетов.

Асхат Аймағамбетов 2022 жылдан бастап педагогика, IT - саласы және техникалық білім беру бағыттары бойынша екі есе көп грант бөлінетінін айтты. 9 сынып түлектерін ТжКБ-мен 100% қамтуды қамтамасыз ету, сондай-ақ 20 құзыреттілік орталығын құру және колледждерді материалдық техникалық базамен жарақтандыру жоспарлануда.

«Жоғары және жоғары оқу орнынан кейінгі білім бойынша да нақты міндеттер тұр. Академиялық артықшылықтың 20 орталығы, Назарбаев Университетінің тәжірибесі бойынша екі өңірлік университет құрылатын болады, сондай-ақ шетелдік жоғары оқу орындары мен кампустардың бес филиалын ашу көзделуде», деп атап өтті министр.

Соңғы жаңалықтар

Су үнемдейтін қондырғы

Технология • Кеше